evo dok mi se u cd player-u vrti singing birds, sićan se pomalo kako je prošle zime doulos vižita split. za one ča ne znaju doulos je bokun broda koji putuje po svitu i prodaje libre. na njemu rade bili i crni, judi iz cilega svita. to je putujuća knjižara. više pročitajte ovod doulos.

narafski da smo ga bili vidit. ulaznica je bila simbolična, mislin 5 kuna. a libri, libri je bilo svakakvih. vjerskih, duhovnih, enciklopedija, rječnika, ma svega svitu moj. cine su bile vrlo povoljne tako da smo nešto i vazeli.

bilo je i cd-a, također po pristupačnin cinama. jedan od njih je ovi ča mi se sad vrti, taj je završija u mene doma, vazeli smo ga za 12 kuna. dakle, ako nađete to ili nešto slično, priporučan najteplije, e...

navijen to digod, lipo je, e... čuješ tiće a u pozadini svira mužika. jema još takvih cd-a sa zvukovima prirode, ja ih baš volin. narafski, dobro je vidit i doulos pa i to teplo priporučan... možda će i jopet doć u split, a možda ga trevite i negdi drugdi po svitu, e... tići sa doulosa su puno dragi i mojin maškama, čin to čuju umire se i zaspu... znači, dobro je sigurno, probajte, e... stojte mi dobro i budite pozdravljeni.

notano o' xvii: 19.10.2004., 18:55